DEAR MAGGIE,
Isang mahabang ‘yeeeeeeeey!’ talon, tumbling, cartwheel, backflip, jumping jacks o kung ano pa man. Love problem solved. Love life complete. Fryth and I are FINALLY together now! Long overdue na, ten years late na, pero ang mahalaga kami pa rin sa huli ‘di ba? Naniniwala na talaga akong love takes time, and so you should. Pero siyempre, alam ko namang may ‘special someone’ ka na rin ngayon at wala akong ibang nararamdaman kundi kasiyahan para sa’ting dalawa.
Just a reminder though: don’t let something or someone come between you. Even time and fate. They could be cruel, you know. Hold on to each other. Sabi nga nila, wala namang short cut pagdating sa pag-ibig, kahit saan ka pa dumaan, mahihirapan ka pa rin. But what’s important is you’d get there. In God’s time, when everything else would fit and fall into place. Sa hinaba-haba ng paghihintay ko at kahit sobrang inis ko kay Fryth dahil inabot pa ng ten years bago kami nagkaayos, worth it din sa huli.
Because it’s not really the time that matters, it’s the love. Don’t be mediocre about love or yourself or your partner. Kung sa tingin mo ay may mali, talk it out. Kasi lahat ng problema ay nadadaan sa isang malinis at maayos na usapan. Hindi n’yo na kailangang umabot ng ten years pa. (Hihi.)
But what I’ve really realized is that no matter how long the journey was, no matter how far you’d go, no matter which path you took differently; if you’re really made for each other, you’d find your way back in each others arms. Fate just sets a challenge, but it’s love who always has the final say.
Good luck on your love life, Maggie! Hindi na ako makapaghintay na makakwentuhan ka tungkol doon. I love you! :)
-Ariadne
DEAR MAGGIE,
I don’t know how to do this, but I’m looking forward to meeting you. Thank you for being nice to Cash too. And I really hope that you won’t give up. Don’t be a coward—like me—and fight. Hindi lang sa love kundi d’yan sa pinagdadaanan mo. (Naikwento sa’kin ni Ariadne ang kalagayan mo.) Most of the times, being afraid about something always leads to a disaster so please avoid that. Kung may gusto kang gawin o sabihin, do it. You should never let fear take over.
A very useful tip: when you finally found someone to love, stick to him like glue. ;)
-Fryth
NAGTAKA SIYA KUNG bakit ayaw nang ipabasa o sabihin man lang sa kanya ni Maggie ang huling nilalaman ng kababalik lang nitong diary. Nakita siguro nito ang reaksyon niya kaya sinabi na lang nito sa kanya kung ano ang pinakang thought ng diary na iyon.
“Sabi nila, ‘love takes time’,” ani Maggie sa kanya.
“True,” sang-ayon naman niya.
“Sabi pa nila, ‘wala namang short cut pagdating sa pag-ibig, kahit saan ka pa dumaan, mahihirapan ka pa rin. But what’s important is you’d get there. In God’s time, when everything else would fit and fall into place.’”
“True,” muling sang-ayon niya rito.
“And, ‘fate just sets a challenge, but it’s love who always has the final say.’ Cool ‘no?” nakangiting sabi ni Maggie. Nakikita niyang na-inspire nga ito sa diary na iyon. “May binigay pa silang tip.”
“Ano ‘yon?” curious na tanong niya rito.
“’When you finally found someone to love, stick to him—or her—like glue’,” nangingiting sabi nito sa kanya.
“I’m gonna stick to you like glue...for however long I could.”