Silver Belles-Santi, Baby

December used to be Nikki’s favorite time of the year. Pero hindi ngayong taon. Dahil sa December nakatakdang ganapin ang high school reunion nila. At hindi niya alam kung dadalo ba siya o hindi. Tandang-tanda pa niya ang pagmamalaki niya noon sa mga dating kaklase niya na pagsapit niya ng edad na treinta ay isa na siyang ulirang maybahay ng isang gwapo, mayaman at kilalang lalaki. Pero heto siya ngayon, walang bahay, walang pera, walang trabaho at malapit na ring mawalan ng bait dahil sa sunod-sunod na kamalasang hinakot niya matapos siyang lokohin at iwanan ng ex-fiance niya. Then she saw their high school nerd Santi who used to have a crush on her. Hindi na mukhang nerd si Santi. In fact, isa na itong rock star! Saglit niyang naisip na pagpanggapin itong boyfriend niya pero siya na rin ang nahiya sa sarili. Ang kaso, ito naman ang kumumbinsi sa kanya na magpanggap na girlfriend nito. Dahil apparently, gusto nitong ipamukha sa malditang ex-crush nito na hindi na nito iyon gusto. “Akala ko ba ako ang crush mo noon?!” “Um, sinabi ko lang iyon kasi naawa ako sa iyo.” Aba’t ang ex-nerd na ito, siya pa ang kinaawaan?! Pwes, magsisisi ito dahil aakitin niya ito!